Diasabra anochi, pa mas o menos 11:50, a dirigi un unidad policial pa bario di Pos Chikito riba denuncia cu tin un homber benta cant’i caminda. Na yegada, e agentenan policial a topa cu un individuo cu tabata visiblemente bou influencia di alcohol y tira riba suela. A procede na su detencion pa intoxicacion publico y hib’e ward’i polis den e unidad di transporte.
Esaki ta e procedura regular pa tipo di casonan asina caminda ta kita e persona for di riba caya pa e no representa un peliger mas pa otro of pa su mes y ta lag’e pasa e efectonan den un cel.
