Diadomingo anochi durante un evento na Carnival Village, polis a hañ’e ocupa c’un homber fastioso y burachi. E tabata molestia e bishitantenan n’e evento. Polis den un manera trankilo a splica e homber riba su comportacion y a dun’e ordo p’e bandona sitio.
E no a gusta cu polis a reclam’e y a cuminsa los algun palabra den direccion di e agentenan. A deten’e pa ta burachi riba caminda publico, den un transporte policial a hib’e pa warda di polis caminda e lo ricibi un cuarto pa sosega su curpa.
