Riba e prome dia di aña y alabes e prome dia di siman pa 2024 a sosode un caso peculiar.
Aki ta caminda cu a bati alarma p’un homber cu tabata grita dolor y pega den un pos.
Tabata suficiente motibo pa polis y brandweer presenta cu urgencia. Berdad, na nan yegada n’un cas den construccion na Sabana Basora, un poco pariba di CalidadSupermarket, a bin topa cu un homber den fondo di un pos. Un pos habri, cu ainda ta den construccion. E pos ta coba algun pia den profundidad.
For di den e pos, e homber tabata grita y sclama di dolor. Mirando e scuridad, ta mustra cu el faya un paso y cay den e pos.
E bomberonan a start cu e proceso di rescate y a logra sac’e for di den e pos. Mesora a pas’e p’e personal medico di ambulance kende a transport’e pa hospital p’asina ricibi atencion medico mas avansa. E situacion aki a surgi alrededor di 2:15 am.
