Diauna marduga alrededor di 3:10 am a sosode un accidente rib’e crusad’i Driemasterstraat cu Rudolf Arendsstraat. Por lo menos un di e autonan envolvi ta di marca Hyundai modelo Accent color blanco numera A-69022.
E modelo y marca di e otro auto ta desconoci, mirando cu e chauffeur cobarde a bandona sitio despues di e accidente. Daño material na e Accent tabata considerabel. Locual a capta atencion ta cu den e Accent tabatin tres mucha y dos adulto. Entre e muchanan, dos ta relativamente chikito y un di nan di poco mas edad.
Por lo menos entre e chikitinnan, un tin apenas cinco luna na bida. Un total di dos unidad di ambulance a presenta p’asina brinda atencion medico n’e famia. Na final a bay cu nan pa hospital p’asina ricibi atencion medico avansa. Personal di seguro hunto cu polis tabata n’e sitio p’asina registra y documenta e accidente aki.
