mr. Evelyn Wever-Croes, parlamentario (MEP), tabata presente n’e encuentro informativo organisa pa PPA. E anochi aki e parlamentario a comparti informacion cu comerciantenan riba HOFA. E consecuencia cu HOFA tin pa Aruba.
E parlamentario a indica e encuentro aki tabata algo cu e gremio comercial tabata pidi pa haya informacion di tur angulo. Wever-Croes ta lamenta cu AVP y FUTURO no tabata presente. A pesar cu e otro dos fraccionnan no tabata presente, segun e representante di MEP, e anochi tabata uno exitoso.
Na fin di dia e parti importante ta pa e pueblo ta bon informa. Wever-Croes a habri y cera su presentacion cu pregunta riba e hecho cu awo Aruba ta bon para n’e parti di finansa kier pas’e pa Hulanda.
E kier sa si Hulanda por hacie miho, aunke pa 16 aña nan ta haciendo esey cu Corsou y St. Maarten, cu no ta miho para compara cu Aruba.
E ta kere den Aruba, den e forsa di e pueblo. P’esey di tende con gobierno ta bisa cu mester di HOFA of Aruba ta perde su rating financiero, segun Wever-Croes, esey no ta berdad. Rating financiero cu tin ta basa riba e propio meritonan logra como pais. Cu gobierno ta bisa di bay den ley di HOFA pa tin supervision, esey no ta berdad. Aruba tin supervision caba desde 2015 y e ta funciona bon.
Pa mas lesa TREMPAN.COM.
