Desde Diaranson 26 di April, Club di dam Arowak a start cu su prome torneo di weekend “Dia di Rey”
Un total di 10 hungado a participa na e torneo aki, di cual dos di nan ta hungadonan cu ta prome biaha ta participa na un torneo di nos club. Diadomingo a hunga e ultimo dos rondnan.
E hungadonan tabata Henry Knepa, Juan Enrique Nisbet, Mario Jansen, Rolin Croes, Octavio Croes, Hector Winterdal, Daniel Diaz, Ricardo Wever y e dos debutantenan tabata Eddy Oduber y Frans Citroën
Despues di cinco rond,Henry Knepa y Mario Jansen a empata na prome lugar cu 8 punto.
Ambos a tabla dos wega, pero Henry Knepa a hunga cu hungadonan cu a score mas punto, y asina a keda na promer luga.
Na tercer luga a termina Octavio Croes cu shete punto.
Octavio tampoco no a perde ningún wega, pero a tabla tres wega.
Nos presidente Ricardo Wever a haci entregamento di trofeo na e ganadonan di e torneo aki.
Hungadonan a gosa hopi di e torneo aki y ta puntra ki dia nos lo tene un torneo asina atrobe.