E tayer di diez dia na Aruba tin un duracion di 10 dia. Durante e 10 dianan e expertonan cu a bin lo wordo entrena a base di un framework pa otro aspectonan di ley tambe. Ora ta papia di ley, ta tratadonan internacional manera un IT Biodiversity Target, por ehempel.
Importante pa e isla
Oduber a splica cu mundo ta cambia y e tayer ta enfoca riba SDG. Ta un plan cu a wordo implimenta door di varios pais rond mundo. Tur pais rond di mundo ta bisa cu tal caminda kier pa mundo yega pa 2030. E tayernan aki ta sumamente importante cu por yega na 2030, por yega cu SDG.
Con conciente
Pueblo ta wordo haci conciente via prensa of publicacionnan cu ta wordo haci. Pesey comision di SDG na Aruba ta haciendo diferente concientisacion publico riba SDG. Ta algo cu pueblo mester pensa riba dje. Parti di SDG’s ta relata na cambionan climatico. Si e paisnan grandi no ta bay segun regla cu a implimenta pa SDG’s no pa Aruba, sino pa full mundo, ta haya cu cambionan climatico lo ta hopi mas fastioso pa un isla chikito manera Aruba. Ta spera cu tur pais grandi coopera tambe cu tur cu a firma cu ta bay coopera cu loke a wordo firma. Aruba tambe, nos tin un prome minister cu ta hopi entusiasma riba SDG’s. Aruba tambe di su banda lo bay ta sigur implimenta e parti di SDG’s.
Desaroyonan mundial
Cambio Climatico, por ta pueblo ta bisa kico e ta worry. Loke e mester worry ta cu aki paar di aña cu e cambio climatico lo bay tin su efectonan radical pa Aruba. Por ehempel lo haya ciclonnan tropical cu por bin menasa y por causa awasero hopi mas fuerte. Por haya ciclonnan tropical di Caribe, por crea mas resake y mas problema pa Aruba. Como pueblo mester ta bon conciente cu hopi di e partinan di cambio climatico ta bay afecta bo. Ta dos cos un Gobierno por haci, manera cu ta wordo haci mundialmente, via SDG’s y tambe via otro targetnan cu kier wordo haci, ta bay busca pa limita e efectonan pa otro islanan chikito manera Aruba, Corsou, Boneiro y otro paisnan chikito manera den Pacifico.
Aruba ta chikito y nos ta sinti e consecuencianan cu hopi pais grandi a causa djis pa ganashi economico.
