Ariba Diabierna 28 y Diasabra 29 di October 2022 lo tuma lugar pa di 4 aña, e Haunted Lighthouse Experience. Esaki ta na California Lighthouse. Ta trata di un atraccion hopi popular pa e temporada di Halloween. E faro ta haya un transformacion total cu hopi decoracion di Halloween, pero e parti mas espantoso ta e actornan bibo. Varios actor bibo ta forma parti di e experiencia y cada aña esaki ta cambia. Pa loke ta e aña aki por bay topa den forma inespera cu e.o e popchi Chuckie, e famoso Jason di e pelicula Friday the 13th y algun otro sorpresa espantoso. Ta importante cu mester registra adelanta, mirando cu e ta bira hopi druk y pa no tin mester di warda hopi den rij, por escohe un orario. Pa reserva por whatsapp +297 699 0995..
