Tur diabierna tin happy hour, pero diabierna 21 di juli lo tin un happy hour creativo: un workshop na Cosecha San Nicolas conhuntamente cu King Lie-Kwie. Durante 4 siman riba diabierna, King lo introduci su technicanan basico di pinta cu acryclic verf. King Lie-Kwie ta un artista cu hopi aña di experiencia como pintor y maestro den duna workshops.
E lesnan lo tuma lugar riba 21 di juli, 28 di juli, 04 di augustus y 11 di augustus. E workshop aki ta pa hendenan di 18 aña bai ariba y ta costa solamente 75,00 florin pa participante pa ful e workshop. E workshop ta consisti di 4 les y e ta inclui material y tambe cos di bebe. Manera menciona anteriormente e lo tuma lugar na Cosecha San Nicolas den nan centro creativo cuminsando di 7 pm pa 9 pm. Inscripcion pa e workshop ta tuma lugar na Cosecha San Nicolas of na Cosecha Oranjestad. Pa mas informacion por tuma contact cu Cosecha San Nicolas na telefoon 5878708 of Cosecha Oranjestad na telefoon 5878709. Tambe por bishita e Facebook page di Cosecha: www.facebook.com/Aruba-Cosecha pa mas informacion.
