Chauffeur tabata keha di basta dolor pesey ambulance tabata necesario. Un accidente sosode riba caminda di Catiri cu basta daño material.
Diaranson den careda di 2:30 pm, polis a presenta na Reality Supermarket na Catiri caminda a bin topa cu un accidente y un persona herida. E chauffeur di un pick-up Isuzu D-MAX color blanco tabata keha di dolor y a pone cu mester a pidi presencia di ambulance na e sitio pa atende cu ne.
Segun informe compila na e sitio a bin compronde cu e pick-up blanco, direccion noord, a hay’e confronta cu un auto, cu a sali for di e parkinglot di Reality Supermarket, cu a sali su dilanti sin duna preferencia.
E chauffeur di e pickup a hala di golpi na man robes, pa evita e choke pero lastimamente no a logra. Den su intento, el a baha caminda y bay dal den un palo band’i caminda.
Paramedico a haci un check-up na e sitio mes. Daño material ta considerabel.
