Departamento di Aduana Aruba ta anuncia lo siguiente pa cu orario di oficina durante dianan di fiesta cu ta na caminda.
Riba diahuebs dia 24 y diabierna dia 25 di december e oficinanan di Duana ta cera en conexion cu ATV dag obligatorio y Pasco. Tur servicio pa clientenan y publico en general lo continua riba dia 28, 29, y 30 di december 2020.
Riba diahuebs, 31 di december y diabierna prome di januari oficinanan di Duana lo ta cera en conexion cu ATV dag obligatorio y aña nobo. Tur servicio pa clientenan y publico en general lo continua riba dia 4 di januari 2021.
Departamento di Aduana ta haci un suplica na tur su clientenan pa tene cuenta cu e anuncio aki y haci bo peticion pa servicio di Duana na tempo pa asina evita cualkier inconvenencia. Pa cualkier informacion por bishita website di Departamento di Aduana cual ta www.douane.aw.
Departamento di Aduana ta pidi comprension y cooperacion di su clientenan y alabes ta desea pueblo di Aruba henter feliz dianan di fiesta y un prospero aña 2021 yena cu bendicion.
