Diamars pa 3:20 am a sosode un accidente basta fuerte un poco despues di e crusada na Palm Beach.
Un grupo di turista tabata den un Kia Picanto y nan tabata bayendo direccion di Malmok. Pa un motibo of otro e chauffeur a perde control y bay pega den un pal’i luz.
A despacha personal di ambulance mirando cu tabatin un total di cinco turista herida. Personal di Elmar tambe a keda solicita debi cu e palo di luz a parti den mita como consecuencia di e fuerte impacto. Polis a presenta na e sitio pa tuma dato di e accidente y traha rapport.
