Ta actualmente na Aruba un delegacion di Colombia pa presenta un linea di producto di koffie y aw’i panela. Interesante den e delegacion aki ta cu esnan cu a bini pa presenta nan producto ta hende muhe, kendenan tabata victima di violencia y a logra sali for di e circulo aki pa inicia un destino nobo den mundo empresarial.
Diana Carolina Bohorquez ta e persona cu a lidera e delegacion aki cu a bini cu un proyecto di Camara di Comercio Colombo-Hulandes (Holland House).
Den e delegacion tabatin representante di cuater linea di producto di e departamento di Cundinamarca, consistiendo di koffie y panela.
E productonan aki ta bini den representacion di muhenan victima di violencia. Ta papia aki di productonan saludabel cu nan kier a laga e mercado di Aruba cera conoci cu nan, como alternativa di loke ta conoci caba riba e isla.
Pa algun tempo caba a bin ta preparando un grupo di hende muhe pa dirigi nan mes riba exportacion di koffie y panela. A duna nan un debido entrenamento pa nan ta prepara pa concentra riba e area di exportacion.
Pa cinco luna a traha riba un programa di internacionalisacion cu un grupo, na Bogota, a prepara e grupo pa expande nan mercado, den e caso aki pa Aruba.
Na e participantenan di e evento cu a organisa, a duna un splicacion e diferente forma cu por uza panela, manera entre otro na e sector di panaderia. Di e variacion uzo di e productonan aki.
A scoge e grupo aki pasobra nan tabata victima di violencia di gruponan arma na Colombia.
