Ronny Alders di Biblioteca Nacional a splica durante un conferencia di prensa, a splica cu stakeholdernan ta cooperando fantasticamente cu nan. Nan tin hopi partner internacional, di cual mester ta orguyoso di dje.
E parti importante cu Alders kier a menciona ta e parti di scolnan. Dialuna mainta tabata tin John Wesley College di San Nicolas y Mon Plaisir College di Playa y e luga tabata full house.
E tema ta Cambio Climatico, agricultura y cuminda mester cambia tambe. Aruba cu ta parti di Caribe, no por keda afo. Mester pone atencion na cambio climatico. Cambio climatico ta algo cu ta tuma luga rond mundo y Caribe no ta excepcion. Irma ta pasando den Caribe. Esey ta un wake up call pa nos na Aruba. Nos mester ta prepara. Un biaha ma, e parti di agricultura, come saludabel, cuminda di bo mesun suelo y ta stimula bo economia sostenibel. Tur ta raakvlak cu otro.
E simposio aki, mescos cu tur e otro añanan, ta concentra riba educacion secundario y avansa. Tin oradornan profesional tanto di Aruba como di afo. E aña aki, cual ta un idea di Astrid Britten, pa incorpora arte sostenibel durante e simposio educativo aki.
Den e simposio aki tin tayernan inclui y tur na e cunucunan sostenibel. Ta bay diamars, esta awe, na e cunucu nobo, Speransa Nobo, na Alto Vista y ta bay na Santa Rosa tambe na Piedra Plat.
Alders a enfatisa cu prensa ta hopi importante na e pais aki. Ta yam’e Evening of Lectures. Na papiamento e ta wordo traduci pa Anochinan di Lectura. Esaki ta nifica cu e publico general tambe ta haya un chens pa bin scucha e oradornan internacional. No ta por nada e oradornan ta na Aruba. E bon ta cu ora cu ta atende conferencianan internacional, manera Alders y sra. Britten, directora di Biblioteca, a caba di bin bek for di Puerto Rico, unda cu Green Education, a gana un premio internacional un biaha mas. Esaki ta di dos premio internacional cu Green Education di Biblioteca nacional ta gana. Naturalmente e aña aki, un biaha mas, Green Education ta wordo organisa, hunto cu Santa Rosa.
Alders a conclui cu Evening of Lectures, lo bay tin sr. David Baino di Barbados, Sr. Guerero di Colombia, sra. Mastel di Merca, Frank Kelly di Aruba, James Ocalia di Aruba y Andre Marin, un biaha mas di Aruba. Lo bay tin tambe, sr. Bjorn Lampe cu lo reforsa e team como un orador invita.
Ta invita Aruba completo pa diaranson, dia 6 di September, 7’or pa 9’or di anochi, na Biblioteca Nacional, den George Madurostraat, bin disfruta y siña mas ainda. Nos ta keda upgrade nos mes na Aruba. Nos ta un isla, pero nos ta depende di exterior. Entrada ta completamente gratis.
