Pa un team di deporte por competi den exterior y representa Aruba, e no ta facil. Hopi bes nan no ta ricibi ayudo di gobierno y esun cu ta yuda nan ta sector priva, pasobra nan si ta kere den deporte.
Lisa Montero, lider U15 Britannia, a indica cu nan a presenta cerca un di nan sponsor principal di campeonato 2022-2023. Ta trata di Smart System. El a splica cu na momento nan a cuminsa prepara p’e biahe pa Colombia, nan a bolbe acerca e compania pa un ayudo. E compania no a duda ningun momento y a brinda Britannia U15 e ayudo necesario.
Nan a haya uniform nobo durante nan biahe di Colombia. Despues cu nan a regresa Aruba cu e trofeo di campeon, segun Montero, nan a scoge pa acerca e sponsor y gradici nan p’e sosten ricibi. A entrega nan uniform como regalo, tambe a regala nan un frame di potret di e team. Nan a haci esey como gradicimento p’e yudansa ricibi.
E team ta asina gradici cu nan a tuma e decision di entrega e trofeo di subcampeon logra na Colombia na nan sponsor. Segun Montero, a haci esey pasobra nan aporte n’e futbol di Britannia ta asina grandi. Gerencia di Smart System tabata asina orguyoso di por a yuda Britannia U15. P’esey no tin e miho luga pa e sponsor pone e trofeo.
