Gabinete Wever-Croes II, por medio di Departamento di Asunto Economico, Comercio y Industria, ta informa cu diahuebs awo, Dia di Rey, negoshinan por ta habri entre 9:00 am pa 10:00 pm. Basicamente e orario normal di operacion. Pero pa dialuna ta “otro gay ta canta”.
Dialuna dia 1 di mei ta un dia festivo, ta dia di tur trahado. E dia ey, di acuerdo cu maneho pa orario di negoshi, ta stipula cu tur tienda y oficina mester ta cera. Ta haci excepcion pa negoshinan den hotel of cu ta bou capa di un hotelvergunning.
Gobierno a adverti di awe caba cu lo eherce control pa check cua negoshi ta habri toch dialuna y lo duna multa si constata falta di cumplimento.
