Famia Eight tabata conoce Roberto Geerman pa hopi tempo, ya cu su mama y wela tabata conoce e locutor. Glennon Eights tabata amigo di Roberto Geerman y na su cas el a lanta ta scucha station di radio Galactica.
Despues cu Eights a bin bek fo’i Hulanda pasobra el a caba di studia, el a cuminsa organisa ambiente dilanti su cas pa carnaval. Asina ey su amistad cu Roberto a crece y bira mas grandi. Tur esaki a pasa despues cu Roberto a puntr’e pa Galactica transmiti eynan. Glennon Eights a splica cu e tambe ta den deporte y tur ora nan tabata topa otro. Sea na carnaval y/of actividad deportivo, specialmente na evento di coremento na pia.
E ta recorda cu Roberto a acerc’e y bis’e di tin aña no ta transmiti carnaval. E ta kere como cu el a yega di para eynan, Roberto a gusta e ambiente. Asina ey e tabatin un caminda vast pa transmiti. Di eynan a cuminsa transmiti, unda su tecnico Marco Bislip tabata yega mainta pa nan setup pa tur carnaval.
Eights mes a hay’e straño cu Roberto kier a transmiti desde su cas, pero tur cos a cuminsa na 2013. E motibo cu Roberto Geerman a stop di transmiti carnaval, tabata pa motibo cu mester a hussle pa por a haya un luga cu internet. Pero como cu nan tabata core waya di paden te pafo, esey ta algo cu el a gusta y tabatin un conexion stabiel.
Pa un cobertura mas amplio lesa e edicion di TREMPAN di mañan.
