Parlamento a cuminsa trata Presupuesto 2023 y pa esaki Minister di Labor, Integracion y Energia, Glenbert Croes ta contento, pasobra el a cuminsa trata su carteranan.
E mandatario a reacciona riba e preocupacion di oposicion y e presupuesto ta cay den un marco legal. Riba dje nan tin e conseho huridico di e departamento concerni cu ta atende cu e preocupacion di oposicion.
Pa Ministerio di Labor, Integracion y Energia, e mandatario por a duna parlamento riba tereno di labor kico tabata nan vision pa fortifica e derecho di trahado, perspectiva di trahado riba e mercado laboral. Ta apoya Departamento di Labor (DAO), ta apoya DPL, apoya Enseñansa pa Empleo pa transforma e trahadonan pa ta un miho trahado. E mandatario a sigui indica cu no solamente mester percura pa forma bon trahado, pero tambe bon ciudadano pa ta un bon hende na trabou. Pero tambe ta un bon hende na cas.
Riba e parti di energia, e perspectiva dje zona di refineria, di e diferente proyectonan cu ta bay bin. E kiermen no ta solamente energia, si ta waf, Eagle LNG, e tankinan, industria energetico cu ta bin. Tambe ta tene cuenta cu e deseo di San Nicolas Business Association, teniendo cuenta cu e desaroyo cu San Nicolas tin potencial grandi den desaroyo turistico, comercialmente. Tur esey mester ta explora riba tereno di integracion.
Segun Croes, el a laga su maneho nobo, cu ta ancra den un handboek toelating nobo cu e Advies Commissie Vreemedeling, Integratie Beleid ta conseh’e traha riba dje con ta bay percura pa anuncia e reorganisacion di DIMAS. Fuera di nomber y logo nobo, p’e mandatario ta mas importante un servicio humanidad y dignidad. E tin fe dje gran profesionalnan cu tin. Awo cu e mandatario tin acceso n’e sistemanan di DIMAS, segun e, e ta tuma e decisionnan y por mira cu nan tin potencial.
Durante tratamento di su cartera pa Presupuesto 2023, el a haya hopi pregunta. A pesar cu oposicion no t’ey, coalicion ta haci su trabou di scrutina gobierno den midi efectividad di maneho hiba den cuadro di landspakket. Segun Croes, e landspakket a pone un presion grandi riba reforma, riba diferente aspecto den gobierno su maneho.
