Na final di e reunion di un dia, ,parlamentario independiente mr. Gerlien Croes tabata hopi satisfecho cu su participacion. A keda demostra cu e tipo di encuentronan aki entre e representantenan di e tres pueblonan di Caribe Hulandes ta necesario y lo mester tin mas den futuro.
Temanan cu el a comenta riba dje tabata e presentacion di e Minister di Salubridad di Sint Maarten riba e consulta cu tin andando entre e y su coleganan di Aruba y Corsou.
E tema cu a tuma mas tempo riba diamars merdia ta e reformanan fiscal cu tin andando. Y e cambionan cu ta tumando luga riba cada un di e islanan y cu ta trece cambionan grandi. “Tin un necesidad hopi grandi entre nos islanan pa sigui combersa. Pero tambe pa ta honesto y habri riba con ta ehecutando e reformanan den e landspakket.”
E pregunta cardinal cu mester haci den e sistema fiscal ta si ta trata di berdad di reformanan of ta introduciendo medidanan den comunidad. Esey tabata algo cu a bini dilanti y kico ta e cambionan cu tabatin den sistema di belasting na e islanan CAS, y kico e ta nifica den linea di e siguiente topico di pobresa riba e islanan.
E reforma ta algo cu mester studia bon y wak con ta ehecuta e trayecto di reforma, si no ta cambia maneho. Pasobra si ta treciendo medida bou di e capa ey, ta nifica cu e ta causa mas pobresa na e islanan.
Na final a conclui cu un dia no ta suficiente pa papia y e importancia di colaboracion, intercambio di pensamento entre islanan ta esencial. Pa topiconan grandi, pero mas pa e topiconan cu awo tin comun cu otro den cuadro di e Landspakket.
