Pa basta luna fraccion AVP ta lucha p’e rapport di Arubahuis, pero prome minister a sconde tra’i un encuentro publico y no un reunion publico. E ta algo importante pa pueblo compronde cu den un encuentro publico e ta mas informativo.
mr. Gerlien Croes, parlamentario (AVP), a indica cu prome minister a scoge despues di un aña, cu practicamente e rapport ta cla, durante e presentacion duna, nan a bin haya sa cu dia 14 di januari e rapport di CAD tabata cla. Despues di un aña cu e por a hunga cu ne pa haci e proceso mas largo cu tabata necesario, el a duna un presentacion na Parlamento di Aruba riba e of ehempelnan di iregularidad cu tabatin.
AVP tabatin sospecho cu tabata trata di suma cuantioso. A haci business class sin haya aprobacion di casa di e minister plenipotenciario, a haci inversion di sistema di alarma di diesun mil euro. Croes a indica cu tin sistema di alarma instala den e ambtswoning cu el a scoge pa no uza, sea den nunca por a haya un copia dje acuerdo di huur pa locual el a scoge pa huur.
El a cera un acuerdo di cuater aña y no di un aña manera debe ser. Ora cu Besaril tabata biaha bin Aruba, ta huur auto riba custia di comunidad, tabata keda na Divi Village, tabata gasta placa den supermercado, cumpra regalo cu mester duna.
Tin un lista di malgastamento di placa, cu awe segun prome minister, e no ta yam’e como corupcion. Tambe e prome minister a bisa di a atende cu e situacion manera debe ser, mientras el a scoge pa tarda y plak Departamento di Recurso Humano (DRH) tra’i e investigacion aki. DRH mester a haci un investigacion y mira con pa drecha e situacion na Arubahuis. Croes su pregunta na minister pakico mester a tarda cu e resultado financiero, scond’e te awe y bisa cu mester a haci investigacion via DRH pa drecha Arubahuis.
