Nan ta dicidi pa ful un pueblo cu nan ta hinca e resto dje futuro di e pais aki den man di otro, awo ta sali afo cu nan mesun coalicion no ta sostene nan decision. Esey ta locual nan ta dicidi kico nan kier haci aworaki.
mr. Gerlien Croes, parlamentario di AVP, a indica cu un dia nan ta toca, un dia nan ta baila y su persona no ta compronde mas. “Ta un posicion bo por tin. Mesun cos ta conta p’e fraccionnan tambe cu ta bisa nan ta pro”, asina el a bisa. “Bo no por bisa e sindicatonan, bo no por bisa AZV cu bo ta preocupa pa hervorming.” Anto sali eyfo bisa di ta pro COHO.
Esey ta significa cu “bo no sa cua banda, bo kier ta bon cu tur hende y bo kier gana tereno politico.” E ta haya cu esey ta politica oportunista y awo kier crea impresion eyfo cu AVP a join un otro partido p’un standpunt. Pero desde prome dia AVP y Croes a recorda tur hende cu e cosnan mester ta saca eyfo di nobo. Durante campaña a splica bon cla cu AVP tabata e unico partido cu a bisa n’e forma cu Hulanda a trece padilanti esey ta e manera cu mester traha cu otro den Reino, no ta e forma corecto p’e pais aki. Tampoco ta bay crea e solucion cu ta pensa e ta bay crea. Esun cu ta bay sinti mas e efecto di e cosnan aki ta e homber chikito.
Pa mas lesa TREMPAN.COM.
