Siman pasa diabierna, esta 8 di september, un cuarto di palo na Modansa a kima completo. Esey a pone cu e pareha Bedoya, di 84 y 85 aña, a perde practicamente tur nan cosnan. Awo GLW Foundation ta organisa un fundraising p’e pareha y ta pidi yudansa na comunidad.
George Winterdaal, presidente di GLW Foundation, a indica cu dia prome di october nan ta organisa un evento di fundraising p’e famia Bedoya. Nan ta un pareha riba 80 aña y a perde practicamente tur cos den e candela grandi aki. Loke e pareha a termina cu ne ta nan paña cu nan tabatin bisti e dia ey.
P’esey GLW Foundation, manera a haci den pasado, ta bay yuda e famia aki. Nan ta invita comunidad di Aruba pa pasa dia prome di october desde 10:00 am te cu 4:00 pm na nan benta di cuminda. Esaki lo ta teni na Centro di Bario Tanki Leendert.
Aki nan lo bende pastechi, kroket, pan di hamburger, pan di hotdog, snacks box, cake box, arroz con pollo, diferente sopi, pan dushi, cos dushi y cos di bebe. Tambe nan ta bay pone un caha pa esunnan cu kier haci donacion cash. Incluso e muchanan di Miss Teen lo ta riba caya pa colecta. Di e forma aki GLW Foundation ta duna nan aporte na famia Bedoya.
Pa mas lesa TREMPAN.COM.
