Presidente di Aruba Taekwondo Bond (ARTBO), Moises Fernandez, hunto cu Melvin Rasmijn di comision di examen a entrega certificado di dos Dan te cu cinco Dan cu a yega for di Korea.
Jason Ridderstaat y Mireille Dirksz a ricibi nan certificado di dos Dan. Norberto Tromp a pasa pa di cuater Dan. Yoshmar Wever a pasa pa di cinco Dan. Yoshmar Wever di Chaco Taekwondo Academy ta esun di mas hoben na Aruba cu tin cinco Dan.
Moises Fernandez y Melvin Rasmijn a felicita tur cu a haya nan certificado. ARTBO su siguiente examen pa faha preto ta na december.
