Ultimo tabata tin discusion rond di e tematica cu ta haci falta di cierto specialista na Aruba, cual na su turno esaki ta haci cu specialista mediconan cu tin actualmente ta ‘overbelast.’ Cheryl Rosa-Fingal, Inspector di Salud Publico na Inspectie Volksgezondheid Aruba, ta bisa cu ‘wowo di warawara’ nan ta mira e cosnan aki pasobra e por tin un consecuencia pa calidad di cuido.
“Ta net riab esaki nos a ripara cu nos no ta hayando ningun keho di esey ainda,” segun Rosa-Fingal. Tin cierto trend semper ta bay den mundo medico, y pa IVA ta semper importante pa keda vigila e calidad di cuido na Aruba. Cu esaki IVA ta invita pueblo di Aruba si tin keho den loke por mira den media pa por fabor na prome instante bay na dunado di cuido.
Si no ta confia, of cierto cosnan grave a sosode y ta prefera pa papia cu Inspectie, semper nan t’ey pa scucha e pashent y pone e keho den un bon manera den e sistema pa por haya contesta y reaccion. Akinan e dunado di cuido mester analisa e keho aki pa mehora loke por a bay malo.Pa mas lesa TREMPAN.
