Si Camara di Comercio (KvK) tin un indicacion cu menos hende ta habri un negoshi of negoshi ta cerando, esey no ta e caso. Camara di Comercio a ripara cu registracion di eenmanszaak a aumenta.
Gavril Mansur, presidente di KvK, a splica cu na e momentonan aki ainda nan no a mira cu hopi negoshi a cerando. Pero nan ta mira otro cos cu si ta preocupante. A ripara cu na Camara di Comercio ta registrando mas eenmanszaak compara cu NV y VBA. Nunca esey tabata e caso.
Camara di Comercio ta kere cu esey tin di haber cu un otro efecto di un cambio cu tabatin, cual ta e cambio den ley di belasting di DGA. Esaki ta obliga e negoshinan declara un belasting di cuater mil pa director grootaandeelhouder. Pa un compania chikito esey no ta posibel. Hopi di nan no por carga esey.
Un eenmanszaak ta vrijgesteld di esey. Loke hende ta haciendo ta lanta eenmanszaak y no ta paga e cuater mil florin. Segun Mansur, bou di un eenmanszaak no tin proteccion. Eenmanszaak ta e persona y e no tin scheiding cu tin den un NV. E NV ta un rechtspersoon y ta los di bo como persona. Esey ta un efecto secundario di e leynan cu ta cambia sin kisas pensa riba e consecuencianan.
Aruba tin varios forma legal pa haci negoshi. Esakinan ta:
Propietario unico (sole proprietorship)
Asociacion di cual ta vennootschap onder firma (VOF) y commanditaire vennootschap (CV)
Maatschap
NV (Corporation)
VBA (Limited Liability Corporation)
Fundacion
Associacion
E propietario unico y partnership general hopi bes ta e opcion prefera p’e empresarionan local cu ta inicia un negoshi chikito y/of di tiki riesgo. P’e capital intensivo of di riesgo halto, e empresario por opta pa un entidad legal manera N.V., VBA of AVV.
Establece propietario unico y partnership general
Un propietario unico ta un forma legal cu solamente un propietario, kende ta personalmente responsabel pa tur accion di negoshi. E propietario unico ta reserva pa local (Arubiano) of persona cu ta considera local.
NV
Naamloze Vennootschap, abrevia como NV, ta un corporacion, segun e ley di Aruba. E ta incorpora pa un notario civil cu ta provee e scritura of incorporacion. Mester di por lo menos dos fundado, sea ta persona natural of entidad cu por incorpora un NV. E capital autorisa ta distribui den accion (share). E accionista (shareholder) tin responsabilidad limita.
VBA
Vennootschap met Bepertke Aansprakelijkheid (VBA) ta un Limited Liability Company (compania di responsabilidad limita) cu ta rekeri por lo menos un incorporador pa establecimento, sin capital minimo. Na tur momento VBA mester ta representa pa un director general. Por lo menos un di e directornan of representante legal mester ta residente di Aruba.
