Awe Garage Cordia Aruba, siendo e representante oficial di autonan marca Toyota pa mas di 50 aña caba, a baha e billboard grandi cu nan tin instala dilanti nan cura riba e caminda grandi di Camacuri. Lo haci trabounan di mantencion y reparacion na e borchi y su infrastructura. Dentro di algun siman lo instala e borchi di nobo pa asina promove e ofertanan unico cu Garage Cordia Aruba N.V. tin pa e autonan di mas bendi na mundo, esta Toyota!
Ora cu e trabounan keda cla, lo ripara cu e borchi lo cambia di e forma tradicional pa un borchi moderno cu luznan LED instala riba dje. Tambe lo actualisa henter e imagen di e borchi den un mas moderno, fresco y yamativo pa tur e miles di autonan pasando ey dilanti diariamente, tanto mainta como atardi.
Garage Cordia Aruba N.V. a instala e borchi ey for di aña 2004 caba, di acuerdo cu tur e rekisitonan di Toyota Corporation. Cu tempo, awor ta memento pa drech’e y cambie tambe pa hacie mas moderno. Toyota Corporation ta opta semper pa tur material di propaganda ta den bon estado y ta cumpli cu tur e standardnan halto di e marca di auto mas reconoci mundialmente.
Garage Cordia ta corda tur su clientenan cu nan orarionan di trabou ta di dialuna pa diabierna for di 8:00am pa 12:00pm y for di 1:30pm pa 5:30pm. Pa por haci un afspraak pa service bo auto of haci cualkier trabou di mantencion, cu por manda un whatsapp libremente pa e number 5947080. Pa haci pedido di piesa por manda un app pa 5936999 ysi ta pa un trabou den “bodyshop” por app 5947182.
Pa mas informacion di e diferente modelonan di auto di marca Toyota, por subi e website www.toyotaaruba.com of sigui nan riba e paginan di Facebook y Instagram: Toyota_Aruba.
