Fundashon Apoyo Edukativo Boneiru a organisa un evento pa recauda fondo. E meta di e fundacion ta pa mehora exito di mucha na Boneiro na scol. Na e momento aki e fundacion tin un proyecto dirigi specificamente pa apoya alumno pa haci e traspaso di scol primario pa scol secundario exitosamente. E aña aki lo start cu un grupo di binti alumno cu lo ricibi guia di dies mentor.
Ta spera di por recauda e fondo necesario pa por cubri e gastonan di e proyecto aki. E proyecto ta necesario y urgente mirando e echo cu hopi mucha y hoben na Boneiro ta actualmente den un situacion hopi vulnerabel. Esaki pa motibo di pobresa creciente na Boneiro cu ta afecta mucha y hoben hopi pisa.
Ademas, e crisis di Covid-19 tabatin un impacto negativo grandi riba hopi mucha y hoben na Boneiro. Durante e evento a conta cu diferente presentacion di tanto poesia y tambe canto. Lydia Emerencia ta presidente di e fundacion, nan ta spera cu pronto por yega nan meta p’asina yuda mas hopi mucha cu ta posibel.