Recientemente un grupo di mayornan cu yiu entre 0-12 aña a termina e curso di Prome Asistencia/CPR y Siguridad den y rond di cas, organisa pa Fundacion Pa Nos Muchanan (FPNM). E parti di “Prome Asistencia y CPR” tabata na encargo di Aruba Safety and Health Institute (ASHI) y e parti di “Siguridad den y rond di cas” na encargo di FPNM. E mayornan tambe a haya un presentacion di brandweer tocante siguridad di candela, plan di evacuacion y con pa uza un brandblusser. E cursistanan a haya informacion y a practica Prome asistencia y CPR. Alabes a pone atencion riba aspectonan di siguridad den y rond di cas.
Un curso exitoso tras di lomba caminda FPNM ta gradici Brandweer Aruba y ASHI pa nan tremendo instruccion y ta felicita e mayornan, deseando nan hopi éxito den nan tarea importante como mayor.
