Dialuna 28 augustus 2017 FCCA a firma un contract cu banconan y fundacionan di fondo di
pensioen di Aruba pa refinanciamento di un fianza di 2008 y un suma adicional cual lo ta destina pa proyectonan di vivienda.
E institutonan cu a participa ta, Caribbean Mercantile Bank N.V, Aruba Bank N.V., Banco di Caribe N.V., Ennia Caribe Leven N.V., Fatum Life Aruba N.V., Stichting Bedrijfspensioenfonds Aruba, Stichting Pensioenfonds Metabedrijven, Stichting Pensionfund Tourism Sector Aruba, Stichting Fondo di Pensioen di Trahadornan di Empresanan y Fundacionnan Publico. Durante e acto di firmamento, Directiva di FCCA a gradici e institutonan financiero aki pa e confianza mustra den e fundacion di vivienda. E compania financeQUEST di señor Emiliano de Cuba tabata e arranger kende a trece señor Fitzgerald Croes den su team pa a logra regla e contract aki, cu conseho huridico di Brown Laywers NV. Vida Nova Bank N.V. lo fungi como e agent y a recibi e documentonan for di man di e consehero huridico. Durante e periodo aki, e team financiero di FCCA a conta tambe cu conseho financiero di señor Alwyn Lin di Crystal Finance NV. Cu e logro aki FCCA ta reforza su posicion financiero y ta cla pa sigui brinda e ayudo necesario na nos comunidad den nan necesidad pa vivienda adecuado y pagabel.
