E ta e crucero di mas grandi cu a yega di bishita nos isla. Freedom of the Seas ta di e liña di Royal Caribbean Cruiselines. E no ta e crucero di mas grandi di e compania, pero si ta esun mas grandi cu a yega di drenta waf di Oranjestad.
Awe e crucero a mara cu no menos di 4515 persona abordo, di cual 1360 ta tripulante y e demas ta pasaheronan gosando di nan vakantie. E crucero a sali for di Puerto Rico y lo mara eynan mes atrobe.
Rashel Thijsen di Maduro Travel a bisa awe cu cualkier persona cu ta preparando pa bay cu vakantie, por yama Maduro Travel libremente pa nan duna idea di unda por biaha, sea ta cu avion of riba crucero. Nan ta representa mayoria di e liñanan di crucero. Awor aki ningun ta sali di Aruba si, pa cual lo mester biaha pa otro destinacion, por ehempel Miami of Puerto Rico pa aborda e barco. Djis yama nan na 5202080 of pasa na nan oficina principal na Playa of nan sucursal na Shaba pa un bishita.
Freedom of the Seas lo sigui bishita nos isla. E siguiente bishita lo ta na luna di September. Asina e lo keda bin regularmente te cu otro aña. Solamente cu e no ta bin tur siman si.
