Enconexion cu caso andando di soborno (tuma placa pa regla permiso) di cual ya den prome siman di april a detene Radi Khan. Ayera Recherche Oranjestad a detene Nedilia B. Dabian, naci na Colombia, di 51 aña di edad.
Esaki ta e señora cu mester a regla permiso pa esunnan cu a paga Radi Khan. Despues di tur problema cu Khan a haya su mes aden cu husticia, e tambe a bira entrega un keho contra e señora. E tin cu responde pa su acto, tuma placa y keda sin cumpli.
Recherche ta pidi si tin persona cu a duna un di e sospechosonan aki placa pa supuestamente regla un permiso di estadia of pa permiso di trabou, pa nan por pasa libremente na oficina di recherche Oranjestad (DAR1) na Wayaca y entrega keho.
DETENCION RADI KHAN
Tabata diahuebs dia 7 di april, durante ora di mainta, cu recherche a yega na Lopez Satelites situa den Acropolis Plaza y a detene e conocido Radi Khan. Ta sospecha cu e ta tuma placa di stranhero, priminti nan cu e ta regla nan papelnan na Departamento di Labor y DIMAS, pero no ta cumpli. Recientemente hues-comisario a bay di acuerdo cu e peticion di fiscal y como tal a prolonga su detencion y a mand’e den “bewaring” na KIA. Pa mas informacion abona na TREMPAN.
