Den fin di siman e conocido figura cu ta pertenece na Grupo 7, ta den noticia. Polisnan a wordo pidi pa presenta na e cas den area di Paradera pa maltrato di famia.
E biaha aki un biaha mas a bati su casa, probablemente lo a agredi su yiu tambe y esaki no ta prome biaha cu e ta wordo deteni tampoco, pa motibo di agresion contra su mesun miembronan di famia. Francis Dijkhoff, conoci como Popeye, ta un comerciante cu tin un pestcontrol. E ta presta su mes constantemente pa ataca diferente persona riba rednan social. El a keda deteni atrobe pasobra famianan mes ta entrega keho contra dje. Durante cu polis tabata atendiendo e caso, a bin constata cu den e cura di cas, tabata tin cierto cantidad di mata di marihuana. El a wordo deteni pa posicion di droga, marihuana y tambe agresion contra su mesun famia. E caso ta wordo investiga y polisnan tin atencion pa e caso aki un biaha mas. Ya caba e tin un record largo di agresion contra di su mesun sernan keri.
