Riba e suseso na Marnix School. Frakshon di MAN ta kontentu ku ta bai hasi un investigashon independiente Frakshon di MAN ta pidi reunion di komishon fiho
Frakshon di MAN a tuma nota di e komunikado ku a sali kaminda Ministerio Publiko a ordena un investigashon dor di Landsrecherche. E kaso aki ta hopi lamentabel i a krea hopi komoshon tantu pa e alumno, mayonan pero nos komunidat.
Pesei pa frakshon di MAN ta importante ku ta bini un investigashon di un organo independiente pa trese klaridat pero tambe pa hustisia kana su kaminda si esaki ta nesesario.
Banda ku nos ta aploudí e orden di investigashon Frakshon di MAN a pidi un reunion di komishon fiho di Hustisia i di Enseñansa. E meta ta pa nos deliberá ku ministernan di Hustisia i Enseñansa, kuerpo Polisial i tambe VPCO riba loke a pasa. Nos ta mira esaki komo nos responsabilidat komo representante di pueblo pero tambe mama i tata di famia ku algu asina no por tapa kara i sigui a orden di dia. Mester sigui bringa pa seguridat di nos hobennan den tur sentido di palabra.
Frakshon di MAN kier duna palabra di sosten na tantu e alumnonan ku a pasa den e situashon doloroso aki pero tambe mayornan ku a konfia skol ku nan yu.
