Directorado di Filomena College MAVO na San Nicolas no a laga e oportunidad unico aki pasa sin duna atencion na dje. Esaki ta como cu luna pasa, meneer Addonsito J. Croes, docente di Geschiedenis y Aardrijkskunde pa 10 aña na e scol, a ricibi e Condecoracion Real como Lid in de Orde van Oranje Nassau 2021.
Tabata durante di e Algemene Leraren Vergadering cu director Raquel Lampe, director adhunto Joraine Duzong-Oduber hunto cu coleganan, a felicita y haci entrega di un bolo decora den estilo Hulandes den e colornan oraño, cora, blauw y blanco. E mensahe tabata cu scol ta orguyoso di tin un docente cu ta un bon ehempel pa hoben y adulto riba Aruba.
