Polis diasabra tabata core rond, monitor movecionnan y bati alarma na personanan riba caya cu TDQ ta na punto di cuminsa. Asina nan a bin topa cu un fiesta cu nan a pone punto final y despues a detene tres persona.
Un team special tabata riba caya y tabata bishita diferente area. Ora cu nan a pasa rond di 11.50 den Koningstraat, a bin dal den un fiesta. Mesora a duna ordo pa tur hende bandona e sitio hopi lihe pasobra 12’or ta bay bati.
Probablemente debi cu e hendenan tabata bou influencia, nan no a worry cu e polisnan, kendenan a detene dos homber y un muhe pa buracheria den area publico. A transporta tur tres pa Warda di Polis.
Despues di esaki, tur e otro personanan a bay for di e sitio.
