Dialuna, riba dia 18 di Maart, Centro di Bario y Deporte Dakota a tene su feria y ta masha gusta pa e habitantenan di Dakota y Tarabana y tambe Aruba en general.
A haya un fluho di mas of menos 300 persona cu a bin bishita e actividad aki, segun Militza Gietel, secretaria di Centro di Bario y Deporte Dakota.
Nan tabata tin diferente tipo di cuminda tipico cu a wordo bendi di Aruba, pero semper ta percura pa tin un of dos huesped, cu cuminda di otro pais, esta esnan cu ta habita na Aruba. Aña pasa tabata tin Peru y e aña aki nan a haya di Surinam.
E actividad a cuminsa pa 10’or di mainta. E intensino tabata pa caba 4’or, pero experiencia ta mustra cu semper e ta caba tiki mas laat. Pa banda di 6’or ta wak cu e actividad ta caba.
Tur aña e actividad aki ta tuma luga. El a bira un tradicion caba y ta di dos aña cu ta haci e feria aki.
Antes e tabata wordo haci, pero di tempo cu e bestuur nobo di e centro a sinta, a bin bek cun’e y a ripara cu e ta masha gusta mes.
Ta haci e tipo di actividad aki, dos biaha pa aña. Ta haci’e pa himno y bandera y tambe pa Dia di Rey.
