Recientemente den comunidad por scucha mas hende ta vocifera nan preocupacion pa loke ta vivienda na Aruba, su scarsedad y incertidumbre pa e futuro famianan tambe haya nan mesun cas. Den e caso aki, e comentarionan cu ta referi por ehempel n’e porcentahe di hacienda pa ‘vacation rentals’ cu ta hopi halto compara cu e ratio di nos poblacion.
Esaki ta un refleho cu ta habri mas porta pa ‘vacation rentals’ cu ta haciendo e esfuerso pa bini cu vivienda pa local. Y cu ta e mesun mercado aki di ‘vacation rentals’ cu ta creciendo drasticamente na Aruba ta causa cu e mercado di cas ta birando impagabel pa un local.
Den combersacion cu Jessica Posner, encarga cu Marketing y Communication na Fundacion Cas Pa Comunidad Arubano (FCCA), ta bisa cu e preocupacion di e ciudadano pa yega na su propio cas na e momentonan aki ta na su luga. “Nos tin varios reto den e mercado na e momento aki”, Posner ta expresa.
Banda di e AirBnbs cu ta creciendo y berdad afectando e prijs riba mercado, y tambe otro cos cu e grupo di adulto mayor creciendo, crecemento den sector hotelero, etc. Pa motibo cu e prijsnan ta afecta, mas hende mester di un cas, esaki na su turno tambe tin un efecto riba FCCA pa cu nan lista di espera di cas. “Nos como FCCA nos por ofrece nos comunidad cas den dos diferente manera.”
Por lesa mas riba TREMPAN.COM.
