Diahuebs FAST Delivery Services a firma su prome Cargo Air Operator Certificate (AOC) pa loke ta Reino Hulandes.
Richard Helder, director di FAST Delivery Services a menciona cu ta un dia historico di celebra pa motibonan grandi. E proceso aki a dura cuater aña, tabata uno largo y costoso. El a gradici varios persona cu a sa di contribui na e certificacion aki, caminda cu awo por mira e resultado.
Edwin Kelly, director di Departamento di Aviacion Civil di su banda a felicita henter e team di FAST Delivery. Esaki ta un logro grandi cual ta e otorgamento di e AOC. E tabata un biahe cu a dura largo y e no tabata facil. Pero na final a logra, cual ta importante.
Departamento di Aviacion Civil ta contento cu tin un operador aereo mas acerca na Aruba.
E lo dedica na transporte di carga y ta wak e como un bon move comercial pa tin un AOC tambe di carga nan mes, algo cu riba su mes ta tremendo.
E certificacion tabata dificil pa hay’e pero awo mester hinca esfuerso pa mantene tambe. Mester opera segun e reglanan y naturalmente haci negoshi na un manera sano comercialmente. Pero tambe tene na cuenta e parti di siguridad, Kelly a menciona, agregando cu nan lo t’ey pa yuda.
Pa mas detaye lesa matutino TREMPAN.
