Dia 26 di juni proximo lo ta Dia Internacional contra di Abuso di Droga, legal y ilegal. Riba e dia aki, mundialmente ta enfoca pa conscientisa riba abuso di droga y traficacion ilegal.
Rish-Ann Ammerlaan, trahado preventivo na Fundacion Anti Droga Aruba (FADA) a splica cu ora di papia di droga, no ta papia solamente riba droga ilegal, pero tambe riba droga legal. Ehempel di droga legal ta alcohol, riba tabaco y tambe riba remedi prescribi. Ora ta papia di droga ilegal, ta papia di extasis, cocaina, marihuana, CHD y diferente otro droga ilegal.
Uzo di droga ta trece problema social, financiero y di salud mental. Un persona cu ta droga ta yega na un punto cu e lo depende fisicamente y mentalmente di un substancia legal y ilegal. E ora ta papia di dependencia. Durante aña FADA ta traha riba prevencion pa combati uzo y mal uzo di droga.
