Fundacion Anti Droga Aruba tin un foyeto importante pa mayornan tin na cas. Segun Rulienne Arends, pa loke ta e programa di Be Smart, prome cu cuminsa, e mayornan ta haya un carta for di FADA, unda cu ta splica completamente kico Be Smart ta. Tambe nan ta haya un foyeto.
E foyeto aki ta di Be Smart, unda cu un biaha mas e ta splica di dje y ta conta un tiki di cada topico cu e hoben ta bay haya su mes durante di e programa di Be Smart. Tur mayor ta ricibi esaki hunto cu un carta for di e team di FADA.
E buki aki ta pa e hobennan. Na momento cu nan ta haya esaki ta bay cerca e hobennan un biaha pa siman pa cuater siman, mirando cu ta cuater topico y tin huiswerk. Ta encurasha y ta bisa esaki na e muchanan, pa traha e huiswerk hunto cu e mayornan. Asina nan por ta envolvi den e lesnan cu e muchanan ta hayando pa loke ta Be Smart. Ta un forma pa laga e muchanan habri comunicacion cu nan mayornan tocante e topiconan cu ta toca den loke ta trata e proyecto di Be Smart.
Pa cera e proyecto, e hobennan ta haya un slapdance, unda cu ta skirbi riba dje “I pledge to be smart”.
Motibo cu a scoge e slapdance, door cu e ta hopi popular bao di e muchanan hoben y lo desea ora cu ta entrega algo pa nan, keda cun’e, disfruta di dje y eynan a bin cu e idea pa loke ta e slapdance.
Pa ora e mayornan mira e yiunan cu un di e materialnan aki, nan sa cu e yiu a haya un programa di FADA, nan por sinta y combersa cu e yiu riba e topiconan cu nan ta bezig ta haya na scol.
