Dia 21 di juni OGM lo tene su prome ‘Career Event’ online pa tur studiante di Aruba. E evento aki lo tuma luga 7:00 – 9:00 pm via zoom esta online. Durante e evento aki lo tin diferente orador
Lo tin graduado di OGM cu lo conta di nan experiencia como studiante y awendia como profesional den nan trabou. Tambe lo tin profesional di sector publico y sector priva cu lo conta di nan experiencia como profesional y nan expectativa pa studiante di OGM na momento di drenta mercado laboral of haci pasantia. Lo tin un sesion special tambe pa e studiantenan di OGM cual lo ta un sesion tocante un oportunidad di carera cu un organisacion local, segun Nurianne Arias, docente di Facultad di Arte y Ciencia.
Por haya informacion riba e Facebook page di OGM: University of Aruba: Organization, Governance and Management. E evento aki no tin un costo, e ta totalmente gratis, pa tur studiante di Aruba sea HAVO, VWO, Universidad di Aruba, EPI, ‘high school’ entre otro of esunnan cu por ta trahando y ta desea di sigui studia. Lo por haya e link of QR code pa registra riba nos pagina di Facebook. Tambe por sigui nos via Instagram @ogm_ua.
