Diadomingo atardi alrededor di 6:00 pm polis a presenta na Bernadetastraat 11 p’un problema di pareha. Aki ta caminda cu e homber a agredi su ex-casa. E pareha ta divorcia pero keto bay ta biba hunto.
Na yegada di polis, a logra intermedia entre e pareha aki, no tabata necesario pa detene ningun hende. E hende muhe, aunke cu e homber a agredie, el a opta pa no entrega denuncia. Polis a bandona y a regresa bek na e mesun cas, trinta minuut despues.
Aki ta caminda e homber a bolbe purba agredi e hende muhe, pero no tabatin ganga p’e. E hende muhe a los un grito te spanta e homber. Consecuentemente e homber a kita cay y kap su cabes. Atrobe, e hende muhe no a entrega denuncia contra e homber abusado aki. Ambulance a presenta y a brinda e homber atencion medico. Patras di su cabes tabatin un corta profundo y tabata sangra hopi.
