Dia 25 di november ultimo, a registra drs. Evelin-Pierre Dumfries como Geregistreerd Toezichthouder/Commissaris; Conseho di Comisario y Supervision / oficial. Esaki a tuma lugar den registro oficial di supervision di e Branch Ehecutivo di Universidad di Maastricht, di Negoshi y Economia: e titulo encarga ta Geregistreerd Toezichthouder / Commissaris.
UMIO e branch Ehecutivo di Maastricht University ta encarga cu e trayectorio pa ehecutivonan den ramo di maneho di gerencia publico, semi-publico of comercial y liderazgo avansa, interdisciplinario y innovativo. Tambe UMIO Maastricht University ta encarga cu investigacionnan nobo y distinto cu impactonan duradero den contexto mundial. E programa aki ta nobo y den pas den e area di rekisitonan nobo pa profesionalismo pa un miembro cu kier drenta y sinta den e puesto pa lid Raad van Toezicht of Commissaris, ta cualifica. E efectonan pa ta pa desaroya y profesionalisa un Conseho di Comisario y Supervision. Nan mester tin expertonan innovativo y cualifica riba e tereno di bon gobernacion, bon maneho y bon conducta den nan trabao, cu ta sirbi e compania y nan stakeholdersnan den comunidad local cu.
Den e trayectoria pa ehecutivonan themanan integral pa bon gobernacion y supervision adhunto cu e riesgonan y e responsabilidad di un Conseho di Supervision, a pone enfasis pa hiba un bon gobernacion y bon maneho. Un miembro di Conseho tin di bin cu su propio experiencia y ta experto riba su tereno. E Consehero por tin un red (network) di stakeholders den comunidad of den politica.
E comportacion di un Supervisor Profesional registra ta uno cu ta integro, independiente, transparente, ta duna cuenta (accountable) y responsabel pa guia un compania y su directornan na un nivel mas halto, e asina yama “corporate governance”. E Conseho di Supervision mester por actua mes ora ariba un mercado cu ta cambia liher ariba e tereno di innovacion y digitalization pa cu companianan. Tambe e Conseho di Supervision mester ta capabel pa sa con pa reacciona y dirigi e compania ariba esaki. E mester ta califica pa hiba e discusionnan pa supervisa e compania na un manera efectivo y eficiente. Esaki ta tuma lugar den e boardroom hunto cu su coleganan supervisornan cu tin nan propio dinamismo y decisionnan di tur e supervisornan adhunto.
Den esaki e Supervisornan Profesional Registra den un Conseho di Supervision, ta responsabel pa un bon supervision cu lo ta na bienestar di e comunidad. Nan tin entre otro e responsabilidad pa hiba un financia bon, transparente y adecua, bon maneho di propiedad inmueble y un maneho di un compania publico of semi-publico of comercial cu nan stakeholders, pa bienestar di comunidad. Den tur area di mercado e profesionalnan di supervision tin di mantene nan mes na e codigo di bon conducta y maneho di nan mercado.
Den un ambiente festivo na Bonnefantenmuseum na Maastricht, a celebra cu drs. Evelin-Pierre Dumfries hunto cu diferente otro coleganan a wordo registra oficialmente como Conseho di Supervision registra (Geregistreerd Toezichthouder/Commissaris).
