Un erupcion explosivo a sacudi diabierna e volcan La Soufriere riba e isla di St. Vincent, oost di Caribe, siguiendo orden di evacuacion obligatorio di e gobierno local.
Erouscilla Joseph, director di e Centro Sismico di e Universidad di West Indies, a bisa cu ta calcula cu e columna di shinishi a bay laira por lo menos 10 kilometer (6 miya).
“Tin un caida fuerte di shinishi,” el a bisa. “Por sosode mas explosion.” Joseph a bisa cu ta imposibel predici si e siguiente explosionnan potencial lo ta mas grandi of mas chikito cu e prome.
E volcan a drenta den erupcion pa ultimo biaha na 1979 y un erupcion anterior na 1902 a mata mas of menos 1600 persona.
A sigui orden di evacuacion obligatorio pa e erupcion nobo aki emiti diahuebs pa personanan cu ta biba cerca di e volcan. Autoridadnan a planea pa pone nan a bordo di crucero, manda nan na islanan cercano of hiba refugio na otro luganan di St. Vincent cu ta pafo di e zona di peliger.