E studiantenan Caribense lo ricibi un beca basico pa studia na universidad of hogeschool Hulandes atrobe entrante september proximo. E studiantenan di e parti Caribense di Reino cu ta bay studia na un universidad of hogeschool na Hulanda ta ricibi un beca basico atrobe for di september. Diamars Tweede Kamer a aproba e proposicion di ley pa reintroduccion di e beca basico den enseñansa superior cu sosten amplio na. E studiantenan cu tin derecho riba esaki, por pidi e beca basico for di dialuna 19 di juni na DUO.
Minister Dijkgraaf: “P’e studiante, regreso di e beca basico den enseñansa superior pa studiante di hbo y wo ta di gran nificacion den nan posicion financiero. Ta duna perspectiva y un bon base. Y hunto cu ampliacion di e beca adicional, un suma fiho pa luna ta brinda mas balansa financiero n’e studiante. Mi ta haya cu ta importante cu e proposicion di ley aki ta haci e areglo di pago pa studiante di mbo igual cu esun di studiante di hogeschool of universidad. Esaki ta conta tambe p’e limite pa gana cen extra. Asina nos ta yega na un posicion mas igual pa studiante di mbo.”
Pidi beca basico
Pa ricibi e beca basico, e studiante mester pidi un aplicacion na DUO, kende a traha duro den e ultimo tempo pa haci e reintroduccion posibel. Tur (futuro) studiante cu tin derecho riba e beca basico lo ricibi un notificacion personal for di DUO. Pa studiante Caribense, lo siguiente ta aplicabel:
- Studiante cu ta na Hulanda y tin un burgerservicenummer (bsn) y un DigiD, por pidi e beca basico for di 19 di juni via Mijn DUO.
- Futuro studiante cu ainda ta den Caribe y kende a pidi financiamento di estudio, por pidi e beca basico via e formulario “Aanvragen basisbeurs voor studenten hoger onderwijs uit het Caribisch gebied”. Nan lo ricibi e formulario aki via un e-mail.
- Futuro studiante cu ainda ta den Caribe y cu ainda no a pidi financiamento di estudio, por pidi e beca basico y otro parti di financiamento di estudio via e formulario “Aanvragen studiefinanciering hoger onderwijs voor studenten uit het Caribisch gebied”. Bo por download e formulario aki na www.duo.nl/antillen.
Suma
E studiantenan di hbo y wo tin derecho riba e beca basico si nan ta bay studia pa di prome biaha den aña academico 2023-2024, of si ainda nan tin derecho riba financiamento di estudio den forma di un beca pa prestacion (prestatiebeurs).
E studiante cu ta biba for di cas ta ricibi € 274,90 pa luna, studiante cu ta biba na cas ta ricibi € 110,30. Den aña academico 2023-2024, p’e duracion di un aña, tur studiante cu ta biba for di cas (tambe esunnan haciendo mbo) lo ricibi € 164,30 pa luna adicional debi n’e costonan cu a subi drasticamente di entre otro cuminda y energia. Un studiante cu ta biba for di cas lo ricibi en total casi € 440 na september, pa henter aña academico 2023-2024 esaki ta suma total di mas cu € 5.200.
Ampliacion di beca complementario
Pa studiante, e beca basico no ta e unico fuente di entrada. Pensa riba un trabou secundario, toeslag di cuido y huur, un contribucion di mayor y posibelmente prestamo na DUO. Pa sosten financiero adicional, studiante cu tin entrada diario abou y averahe tambe por pidi un beca complementario. E limite di entrada di mayor lo ta amplia te minimo € 70.000, p’asina mas studiante por pidi un beca complementario. Esaki ta aumenta igualdad di oportunidad den enseñansa. For di september, e beca complementario maximo ta € 416 pa luna.
Condicion igual pa pago di prestamo di estudio
Na mes momento, cu e reintroduccion di e beca basico, Minister Dijkgraaf ta traha pa iguala e areglo di pago di prestamo di estudio pa studiante di mbo, hbo y wo. Asina tin mas igualdad entre e nivelnan di enseñansa aki. Ainda tin areglo diferente di un banda pa mbo (y studiante di enseñansa superior di e sistema di beca basico bieu) y na otro banda pa hbo y wo: tin diferente plaso pa pag’e bek (15 y 35 aña respectivamente) y diferente calculacion di interes. Hacimento igual ta conta den tur caso pa studiante nobo di mbo. Mbo’ernan cu ta studia caba (y cu lo ricibi financiamento di estudio despues di prome di augustus) por scoge entre e sistema bieu y nobo. Esun cu no scoge, lo bay over automaticamente como studiante di mbo den e areglo di pago di 35 aña. Pa studiante di enseñansa superior, no tin cambio den e areglonan di pago.
Compensacion
E regreso di e beca basico ta nifica fin di e sistema di prestamo social. Como un gesto lo brinda un compensacion pa un aña of mas, na studiante cu a studia bou di e sistema di prestamo. Pa un periodo di estudio (nominal) di 4 aña, esaki ta consisti di € 1.436 pa studiante. E compensacion aki ta aplicabel tambe pa studiante cu no a ricibi financiamento di estudio. Mas aleu un cantidad di rond di 375.000 studiante cu a studia for di 2015/16 te cu 2018/19 ta ricibi un compensacion adicional na luga di e studievoorschotvoucher di mas of menos € 1.835. Lo paga of kita esaki di nan debe di estudio.
Link pa pagina di DUO: www.duo.nl/stufi2023 y www.ro.nl
