Dianan ta cerca caminda cu poco poco banconan comercial lo bay elimina e uzo di checknan na Aruba. Esaki pa hopi aña, pa decadanan largo, a conoce pago cu por paga hende cu check, despues nan ta bin cambi’e, deposita y bay riba nan cuenta. Esaki lo e ta elimina. Tin un fecha cerca cerca cu lo bay elimina e prome fase di check.
Pierre Rafini, ta e presidente di asociacion di banco na Aruba y el a duna un follow up riba e situacion.
E ta conta cu dia 1 di Mei, cual ta otro siman caba, lo descontinua e uzo personal di check y pa dia 1 di November, lo stop e ora e checknan tambe pa clientenan comercial. Bo por bisa cu entrante 1 di November caba lo no tin circulacion di check mas na Aruba.
Na Aruba
Esaki a cuminsa na Aruba y ta contento di tende tambe cu na Corsou, asociacion di banconan na Corsou tambe a cuminsa pone esaki den marcha y cu pa 2019 na Corsou tambe lo cuminsa cu descontinuacion di uzo di check.
Dicon eliminacion di check
Check ta un sistema di pago hopi anticua. E ta un metodo di pago cu e no ta sigur. E ta trece hopi administracion cun’e. Den pasado bo ta haya cu checknan ta perde, nan ta hortanan, ta falsifica nan. Hendenan cu ta ricibi check den forma di pago, hopi biaha ta haci’e bao di un bon comprondemento cu esun cu ta dun’e check. Ta dun’e e producto of servicio, acepta e check den forma di pago y ora cu yega banco, ta haya sa cu check no tin fondo. Tabata tin hopi mal uzo di check pa loke ta e producto aki. Tambe un di e issuenan cu tabata tin cu checknan pa un tempo ta cu hendenan ta kite checks. Tabata un fenomeno entre comerciante. Tin comerciante ta kite checks. Esta nan ta deposita un check pa un suma di banco y e ora ta pidi e banco pa haci uzo di e fondonan di e check, mientras tanto cu e check ta clear. E ora nan ta haya e fondonan disponibel di e banco y e banco ta laga nan bay den cora bao di e acuerdo cu e placa tin cu bin toch. Mientras nan ta bay na e otro banco y ta skirbi un otro check na nomber di e banco di nan. Nan ta deposite na un otro banco y ora cu un check drenta bo ta pag’e, pasobra bo tin un check di un otro banco cu ta bisa cu e placa ta bon. E ora e otro banco ta haci’e na e otro banco y e otro banco tambe ta lag’e haya placa, bao di e pretexto cu e placa ta bon. E comerciante ta hunga cu e placa, e placa nunca ta yega riba e cuenta pasobra ta checknan sin fondo e cliente a keda uza.
Tabata tin e fenomeno ey tambe. Manera cu sa, banconan a inverti den producto y servicionan cu e añanan cu a pasa ta hopi mas safe, hopi mas eficiente, efectivo y nan ta costa menos placa. Manera debit cards, manera tambe online mobile, caminda cu por haci pagonan literalmente for di planta di bo man, unda cu bo ta, ki ora cu a y e otro persona ta sigur cu a haya e placa. Pa esun cu ta ricibi e placa y esun cu ta paga e comerciante of pagando un servicio of cualkier hende, pa nan ta hopi mas facil, hopi mas safe. E ta hopi mas barata y e ta un manera cu nan por controla nan administracion hopi mas miho.
Cu check, bo ta skirbi un check awe y e persona no ta bay cobra esaki. Despues di 3 pa 4 luna, b’a lubida cu e check a wordo skirbi y e persona a haya gana di bay cobre. Tur e cosnan aki a hiba pa e banconan a tuma decision pa pone check den lachi y cuminsa haci uzo di otro tipo di plataformanan cu bando tin y otro maneranan di paga cu ta mas safe, efectivo, mas lihe y menos costoso.
