Dialuna mainta polis a presenta dilanti porta di bestuurskantoor pa atende cu un persona no desea.
Ultimamente a base regular ta pidiendo intervencion di polis pa ciudadanonan cu ta yega na port’i gobierno pidiendo pa ayudo of pa topa cu un minister. Den cuadro di deconexion cu publico, e mandatarionan ta cera nan mes den e edificio y no necesariamente ta atendiendo publico.
Na yegada di polis awe mainta a compronde cu e ciudadano a pidi ayudo social cerca gobernantenan pero cu esaki no ta algo cu nan ta desea.
Y como tal, a yama polis pa bin atende cu ne. E miembro di siguridad a bisa polis cu e homber ta bin eynan tur dia y cu nan a yud’e cu un luga pa keda y cu cuminda. Pero segun e coordinadornan, e homber kier pa gobierno yud’e cu placa.
Polis ta teme cu awor ta tur dia nan lo mester atende cu ciudadanonan na Cocolishi pasobra e asistencianan ta casi birando diario caba.
