Diasabra awo, 24 di juni, e atleta paralimpico local Elliott Loonstra hunto cu Maickel Melamed lo ta presente na Gloria. Aki Melamed lo tin su charla di “The Most Extreme Challenge of Our Lives- Rappel Angels Falls”, unda cu 400 hende por asisti.
Diahuebs el a yega, unda cu el a expresa di ta contento di por ta aki. El a splica cu riba invitacion el a bin pa duna e charla, cual ta tuma luga den IMAX @ Gloria. Segun Melamed, e ta simplemente banda di atleta pero e ta purba di ta un spiel di posibilidad di tur. No ta trata di hende diferente, pero tur hende ta diferente. Y door di cada diferencia, nan ta aspira pa haci un diferencia.
Melamed a gradici tur esunnan cu a haci esaki posibel. E ta spera cu su presencia por ta di utilidad pa tur hende riba e isla y tur esunnan cu presenta diasabra na IMAX pa e documental.
Con el a vence e “mi no por”, Melamed a splica cu semper el a bisa di bay skirbi un buki “No puedo.” E kiermen cu hende ta bisa cu tur cos por, pero berdad ta cu no tur cos por. El a splica esun cu puntr’e pa hisa su man, esey no lo pasa. E ta di pensamento cu e sernan humano sali desde di unda si por y no di unda no por, pasobra mayoria biaha ta bay riba e echo di loke no por n’e punto di salida. Pero si tin un pensamento riba loke si por y pone esey, e ora ey ta stop di pensa riba e no y ta cuminsa visualisa e ‘Si.’ E ta haya cu na momento hende stop di tin e ‘No’ como opcion, e ‘si’ lo presenta.
E ta invita tur hende pa yega diasabra awo pa 12:00 pm na IMAX – Gloria pa e charla “The Most Extreme Challenge of Our Lives- Rappel Angels Falls.” Tambe tin e oportunidad di cera conoci cu Elliott Loonstra y Maickel Melamed.
