E vocalista Edward van der Biezen ta pone den circulacion un tema mas. Ta un tema cu originalmente ta di e canta autor Jose Jose y a percura pa haci algun adaptacion. E tema aki ta papia di e amor ‘puro y sincero’ cu tin entre dos ser cu ta stima otro.
E version original ta data for di hopi tempo, pero e adaptacionnan cu a haci n’e produccion aki no solo a keda den e parti musical pero a adapta esaki na Papiamento di cual ta duna un claridad mas sutil n’e expresion cu Edward ta canta esaki.
Sin altera nada pero den su estilo y manera, dunando e tema un otro dimencion di e version original. Aña 2022 ta habri bon musicalmente, mas ainda cu despues di e tema promocional aki tin un par di produccion mas na caminda di e propio Edward. El a percura di usa e tempo cu tur hende tabata cera na cas p’e por a caba di elabora diferente proyecto.
