E reunionnan di IPKO ta tumando luga henter e siman aki na Boneiro y tin varios tema dilanti entre otro ‘geschillenregeling’ y tambe cuido medico. Di parti di Aruba a bin un mensahe cla dilanti. Presidente di parlamento Edgard Vrolijk a comenta cu esaki ta e plataforma cu tin cu trece discusion.
Pa loke ta ‘geschillenregeling’, tin un Rijkswet cla cu kier entrega, pero kier debati y yega na e consenso di tur e islanan y sigur Hulanda, pa por entreg’e. No por keda sin un ‘geschillenregeling’. Ta algo cu mester a regla 10 aña pasa y por a mira cu a hal’e aden bek recientemente.
E otro punto ta e preocupacion di cuido medico. E ta exigiendo gasto cu tin cu pone extra y naturalmente, banda di esey tin e exigencia pa corta 60 miyon. Riba esey tambe a bisa cu no ta sinti cu ta e momento pa corta y siguramente no ta sinti cu ta bay yega e suma aki tampoco. Pio den un momento cu tin cu inverti den cuido pa duna pueblo e atencion necesario. Ta puntonan di debate. A logra pone e punto aki riba agenda pa por debati riba dje.
Pa cobertura mas amplio lesa edicion di TREMPAN.
